Քոլոմպիայի մէջ աղօթքի օր` Կառավարութիւն-ընդդիմութիւն համաձայնութեան դիտաւորութեամբ։

(Ռատիօ Վատիկան) Քոլոմպիայի Եպիսկոպոսական համահաւաք դասը, Հինգշաբթի 29 սեպտեմբեր 2016-ը հռչակած աղօթքի օր, ի տես յառաջիկայ 2 հոկտեմբերի  հանրաքուէին հայող Քոլոմպիայի իշխանութիւններու եւ Քոլոմպիայի յեղափոխական զինեալ ուժերու միջեւ ստորագրուած պատմական համաձայնագիրի վաւերացումին։

Նշենք թէ վերոյիշեալ համաձայնագիրը, որ վերջ կը դնէ 52-ամեայ քաղաքացիական պատերազմին, ստորագրուեցաւ անցեալ 26 սեպտեմբեր 2016-ին

Համաձայնագիրին ստորագրութիւնը  հանդիսաւոր արարողութեամբ տեղի ունեցաւ Քոլոմպիայի Քարթախենա քաղաքին մէջ ի ներկայութեան բազմաթիւ օտար հիւրերու որոնց շարքին, ՄԱԿ-ի ընդհանուր քարտուղար Պան Քի Մուն, Քուպայի նախագահ Ռաուլ Քասթրօ եւ Վատիկանի Պետական Քարտուղար Կարդինալ Փիեթրօ Փարոլին, որ այս առթիւ մատուցեց գոհաբանական սուրբ պատարագ մը։